نزله للاكبر ع صارمك بيدي والحرب عيدي والحرب
نزله للاكبر ع

صارمك بيدي _ والحرب عيدي
والحرب عيدي _ يحيدر _ والحرب عيدي
****
جمره ياحيدر علي يلهب فؤادي
وانا ياجدي الفقار اصبح عتادي
راح اطب الحومتي بسمك انادي
ولبس عيونك وشتت هل اعادي

انا تربيتك _ افخر بصيتك
افخر بصيتك _ يحيدر _ افخر بصيتك
****
مثلك اليوم السمه اطبگها عالكاع
جبل واگف والوصلني ياعلي ضاع
بيهم اصرخ ما تجوني وين الاسباع
اله اغرگها بدماهه وسيفي لشراع

مثلك بخيبر _ افني هالعسكر
افني هالعسكر _ يحيدر _ افني هالعسكر
****
امن النجف انهض يحيدر لازم اتشوف
شلون ترعد كربله وگلبها لطفوف
بس شلت سيفي بدة تترادم اصفوف
للحناجر وصلت اگلوب الزلم خوف

الكل يعرفوني _ ما يلاگوني
ما يلاگوني _ يحيدر _ ما يلاگوني
****
حيلك اعله امتوني شلته اشمحله هالحيل
چنه حيدر هذا گالو وسمع الويل
ياعلي من اوصلتهم دنگ الخيل
والارض حدر اليضدني ظلت اتميل

مالت اطفوفي _ وبتسم شوفي
وبتسم شوفي _ يحيدر _ وبتسم شوفي
****
ما نسيتك ياعلي من اقلعت باب
انا مثلك بس قلعتي صارت ارگاب
چنه يوم الواقعه گرّبت الاحساب
احفر بسيفي وغطيهم بل اتراب

ظربه لرميها _ ما اثنيها
ما اثنيها _ يحيدر _ ما اثنيها
****
زغير طف الملحمه ما يترس العين
واليفكر مني يشرد يلتجئ وين
انا ملچ الموت بيدي اصبح البين
اليوم بيه ياعلي يتباهه لحسين

خل يزيدوني _ ما يكفوني
ما يكفوني _ يحيدر _ ما يكفوني
****


الشاعر اياد الديراوي
للاكبر ع لا تخليني بغربتي منهو لينشف دمعتي
للاكبر ع


لا تخليني بغربتي منهو لينشف دمعتي
ياعلي ما يكفي صبري.... لا تروح
لو رحت ما ترجع ادري......لا تروح
1
ليلي غربه ودمعتي تجرحني يبني
سنيني تگصر يالولد من يعله وني
انته روحي والنفس وعيوني ذني
لو رحت معناها تاخذ كلشي مني

بدنيتي عشت اعله مودك وانا اتنفس وجودك
الشوفتك عشت انا عمري ....لا تروح
لو رحت ما ترجع ادري...لا تروح
2
شگد طويله اتصير بعدك هل ليالي
خايفه الفرگاك يخلص دمعي تالي
بيتي انته وبغيابك بيتي خالي
راح اصيح بعالي صوت ارجع يغالي

لو صدگ ما تبقه دمعه راح اذوبن شمعه شمعه
وينكسر تاليها ظهري ....لا تروح
لو رحت ما ترجع ادري ...لا تروح
3
يخلص شلون السهر ذاك بثواني
چن نسيت شگد نطيتك من حناني
ياحلم شيبي وحلم كل الاماني
شعنده گلي وياي يايمه زماني

يبني احچيها بصراحه مالي حيل اعله المناحه
يمه راح يذلني دهري ....لا تروح
لو رحت ما ترجع ادري... لا تروح
4
چنت احاذر من تشم الريح يمه
خايفه اتجرحك يالاكبر حتى نسمه
شلون لو نحرك ييمه ايسيل دمه
وتالي يبني بشيلتي جسمك المّه

موتتي من اعتنيلك يبني من ياصوب اشيلك
ويمك الطم يمه نحري .... لا تروح
لو رحت ما ترجع ادري .... لا تروح
5
دمعتي يبني بوجودك غاليه هواي
شگد رخيصه اتصير بعدك يمه عيناي
امن العطش يبني تذبحك وسفه دنياي
بدنيتي اتمنه الله ما خلق ماي

راح الململك عبرتي وترشف ارياگك دمعتي
إشرب دموعي اللي تجري... لا تروح
لو رحت ما ترجع ادري... لا تروح
6
لو متت يبني الشماته تصد عليه
وبالحبل يوليدي تتچتف اديه
ام الاكبر اسمي هسه وهاشميه
بس بعد عينك يصير اسمي السبيه

بالسبي يايمه اخبرك امشي وعيوني اعله نحرك
ويختنگ بالعبره صدري..... لا تروح
لو رحت ما ترجع ادري.... لا تروح
****

الشاعر اياد الديراوي
عيد الغدير ما ادگن غير بابك ياعلي لو
🌹عيد الغدير 🌹

ما ادگن غير بابك ياعلي
لو ادكن ما احصل امرادي
انته درب الله المشت بيه العباد
ونته شمسه التحيي كل اورادي
ما اضين وانته ياحيد دليل
بسمك اصرخ من اتيه ابوادي
اهلي علموني اعله حبك بالمهد
وبمحبتك صرت اعلم اولادي
حاظر انته اويانه النه وما تغيب
انگوم نگعد يبو حسين انادي
وبحفلنه الليله تسمعنه السماء
من نصلي اعله النبي الهادي
🌹🌹🌹🌹


الشاعر اياد الديراوي
للانصار ع نشبه عباس هاي الطفوف ازغيره بس
للانصار ع

( نشبه عباس )


هاي الطفوف ازغيره بس مرجلتنه اچبيره
شنسوي رايد بالناس كل احنه نشبه عباس
****
اوگفنه بس ما چنه يحسين بحرب
ما نريد السهله بس ردنه الصعب
شلون للميدان بالصارم نطب
يمك ونسمعها خفگات الگلب

هاي الخيم ملزومه منه الشرد منلومه
بسبعين الف ما ننقاس كل احنه نشبه عباس
****
الرايه شلناها وتشتت كل سره
الچان اول هسه واگف بالوره
صح نوينه انسوي هالطف مگبره
لچن شردو من صرخنه حيدره

بيا حيدره نبديها وكل الزلم نفنيها
وتالي نطگ راس براس كل احنه نشبه عباس
****
انطانه سر الخزره بعيونه الگمر
ما وصلناله اليضدنه وحتضر
اتحزمينه دروعنه انذبها بفخر
لچن عابس واهسه كله انكسر

المن يشگ اهدومه ماكو زلم بالحومه
بيهم ولا ظل احساس كل احنه نشبه عباس
****
بس امر منك نتاني انهد سوه
وداعت عيونك نشرهم عالهوه
الشمس ممنوع منها يمر ضوه
الضلام ايصير لو رف اللوه

نفرضهم يشوفونه شحده اليفك عيونه
بدمهم حسامك ينباس كل احنه نشبه عباس
****
نزلزل شلون الارض واحدنه گال
گلنه نسال ابو فاضل عالنزال
صاح سهله وماكو شي عندي محال
دبچو منا للنهر ونهو الرجال

شفنا رفعها چفوفه ومال النهر بجروفه
قائدنه هذا النبراس كل احنه نشبه عباس
****
ابتدينه وبالخيم صوت اعتله
يا هلا بشجعان اخوتي يا هلا
وعد زينب هاي تبقه امدلله
اليدنه يمها انگلبه هوه وكربله

الينوي يشب الخيمه اندفنه عدل بالهيمه
ما توصل الها انفاس كل احنه نشبه عباس
****


الشاعر اياد الديراوي
للانصار ع اجت أنصارچ يرف الواها خيامچ زينب
للانصار ع

اجت أنصارچ / يرف الواها
خيامچ زينب / منو يدناها
****
الكربله اتعنو يزينب هلا بنصارچ هلا
سيوف بديهم يحره تقره سورة زلزله

هِمّه بيهم والهمم معروفه
تحرس اخيامچ اجت ملهوفه
همه بس سبعين لاچن عايني
يا عساكر بالحرب مخطوفه

من يصولون يهزون زلمها الحومه
ذولي تربات ابو حسين تكرر يومه
****
عجه بالميدان صارت والجيوش اتقسمت
الكثره فوگ الگاع طاحت والقليله هوست

بالصعب انصارچ اتعرفيهم
ما يرحمون اليهد اعليهم
الهدو بضهر الخيول اترجلو
وتالي صار الخيل يسحگ بيهم

كلشي مكشوف والاطفوف تعرف القاده
سيف الانصار بالارگاب يدور امراده
****
ابن ظاهر بيده رايه شالها وسد الشمس
علماني شلون اصولن حيدر انطاني درس

صوته هذا مدري صوت امن الرعد
صاح صيحه وكلشي بالحومه جمد
لا صهيل ولا صوارم تنسمع
فقط نسمع يا علي حيدر مدد

شيخ الابطال ولا زال يهد خياله
معصب العين والاجبين منو يدناله
****
بالعشگ عابس تجنن صار بجنونه طبع
لو نزل ساحة قتاله يشمر السيف ودرع

اليجن بحسين ما يعرف صعب
يگلب الميدان بچفوفه گلب
للعشگ عابس شعار ايخلده
وينچن يرماح انا ارد انخضب

للحرب راح والارماح اجاها بواهس
انا مجنون بالحسين يگلهم عابس
****
يتبع الاخر يزينب كلهم بنفس العزم
الحر رفع سيفه وتقدم ظل يلگط بالزلم

اليمنه نافع كظها وهناك ارتكز
وجون صوب اليسره يازينب برز
ونافع الهز الطفوف بچلمته
حسين هوه وغيره ما عندي ارتجز

اهتزت الكاع والاسباع اثرهم واضح
ردو اردود يذبحون منو الما طايح
****
سور چنهم يبت حيدر منهو يوصل للخيم
لا تهلين المدامع طمني وياچ الحرم

لسه انصارچ يحره اتشم هوه
ذاك يم الغيم مرفوع اللوه
ان چان خيط امن المخيم يحترگ
وعلي تنهد كل ضواحي نينوى

بالچ ام عون يشوفون تسيل دموعچ
تقدم ارواح شنو الموت يزينب دونچ
****

الشاعر اياد الديراوي
نعي للعباس ع تأخر ليش ابو فاضل يهل
نعي للعباس ع


****
تأخر ليش ابو فاضل يهل ناس
ما يدري الخيم ما بيها حراس

گال الماي اجيبه ولا تخافين
شو ساعة زمن عالنوگ ماشين

اعرفنه غيور وصاحب افعال
هم يدري الشمر حظرلي لحبال

اذا ما يرجع انا بحالي شلون
طويله اسياطهم وتدور امتون

انا مخدره وبس هاي الي تلوگ
اصير شلون اسيره واصعد النوگ

اجيت وگلي زينب انتي بحماي
تالي لا چفيلي ولا اجه الماي

چثيره دموع صبت والله هالعين
وسف لا كافلي ولا ظل الي حسين
****

الشاعر اياد الديراوي
لسان حال طوعه ع حميده اويه الضعن يامسلم
لسان حال طوعه ع

حميده اويه الضعن يامسلم اتعنت
جاوبني شگلها اعليك لو نشدت
*
اجه ظعن السبايا وبي يتامه اتنوح
وصوت ازغيره من دون الظعن مبحوح
وعلى قصر الاماره ظل نظرها ايلوح
اسمعت هاي اليتيمه اعليك لن سئلت
*

تعنيت الظعن گلت اردن اتلگاه
شافتني حميده ونومست عل آه
وسئلتني يطوعه وين ابوي الگاه
وبنظرة حزن بعيوني لن صدت
*
صدتلي ودليلي اتلاطم ابضلعي
شگللها حرت يامسلم ابوضعي
حست بالخطر لمن نزل دمعي
حاولت اخفي هل دمعه لچن نزلت
*

طحت امن القصر لساها ما تدريك
گلت ابعيد اگللها وحاذر بيك
اخافن لو درت ميت تموت اعليك
بعيد انته گلت لاچنها ما صدگت
*
عليها امن الالم ظلت تهل عيني
بصوت ايتام يامسلم تحاچيني
للوالد يطوعه گالت اخذيني
فوگ اچفوفي دمعت طفلتك هلت
*

شلون اخذها ونته باللحد مدفون
من فوگ القصر گلتلها طحت اشلون
وجسمك بالحبل كل العده ايجرون
حميده ناحت اوفوگ الصدر لطمت
*
بياحله غدة بنتك ابياحاله
للوالد تصيح الونه تحلاله
تشابگنه اونيني اوياها يتعاله
عليها اتراب من كثر الحزن نثرت
*


الشاعر اياد الديراوي
مسلم ابن عقيل ع سيفي ما ارفض قراره
مسلم ابن عقيل ع

سيفي ما ارفض قراره راح اهد قصر الاماره
ياكوفه طاوعيني لو تنتقم يميني
****
وحدي ابرز ما يهمني اشگد عددكم
عمي حيدر وانتو ابن العاص عمكم
بس اذكركم نويت بدعوه من عدكم اجيت
هسه شفتوني وحيد بل إلوف اتحاوطيت

انا كل هذا كلامي من ابن عمي وامامي
تستقبلوني بديني لو تنتقم يميني
****
للحُسين انا السفير بهل رساله
گلتو انقذنه تولتنه الضلاله
ستقبليتوني بنداء هلا بتربات السماء
بالشريعه من بديت گلتو مهدور الدماء

بيا ذنب تهدر دمائي وانا لحسين انتمائي
بيعة شرف تجيني لو تنتقم يميني
****
ما احارب جيت انه عندي قضيه
جيت اهيئ جيش لرض الغاضريه
باچر بارض الطفوف اهناكه تزداحم إلوف
جيش إلاهي بصف خيام وجيش شيطاني نشوف

انا للثوره البدايه تنكشف كل النوايه
يطفي الغضب حنيني لو تنتقم يميني
****
احچي لكن ترتفع شفت الصوارم
انا عن دين النبي لازلت اقاوم
بكل درب شبيتو نار انذبح صار القرار
راح احارب للممات انا مو طبعي الفرار

هل فعايل مو جديده اهنانه طبرتو الصميده
افديها كل سنيني لو تنتقم يميني
****
للنبي وآله ولا باقي مناصر
بالذهب يا وسفه بعتوها الضماير
الموته وحده لا تزال اهنانه لو بالطف قتال
ان ما تموتون اعله دين هسه انهيها الرجال

انطي بس فرصه وحيده لو قصركم هسه ابيده
ينشف عرق جبيني لو تنتقم يميني
****
حذرتكم والصبر اعلن حدوده
هذا اخر يوم ليزيد وجنوده
راح الگط بالسباع وبيكك ايعم الضياع
انا راح امطر سهام وسيفي فوگاهن شراع

هل لديكم من منافس قلّه ما سويتو واهس
اتفنن بعريني لو تنتقم يميني
****
الشاعر اياد الديراوي
شور سيدي ومولاي عايش انته اوياي ما ردت
شور

سيدي ومولاي عايش انته اوياي
ما ردت يحسين غيرك بدنياي
****
ياهوه بريتي انته تاليتي
عمري دونك عدم يابو الوفه
بدنيتي كلشي نايم برمشي
الدمعه تنزل ورسمك عاطفه
بدفتر جروحي كاتبك روحي
وختمت دفتري بجمل صفه

يا اغلى حبيب من عندي قريب
بس انته داوي لجروحي طبيب
من اهمومي تداويني ولساتك خضيب
****
دومك ابالي وشخصك اگبالي
من اشوفه اشوفن بس دمه
وجهك معفر وصدرك امكسر
اشتبه محني انته لو سمه
لا تسد عيني ابچي خليني
بداعت ام المصايب فاطمه

تدمعلك عين واصرخ يحسين
انا بلياك اتوجه وين
لو لاك الروح تدريها تموت بيومين
****

الشاعر اياد الديراوي

2819099

Каналов

109137067

Сообщений