مفخره برض البطوله كلمن اتباها بنزوله علي قرءان
مفخره برض البطوله كلمن اتباها بنزوله
علي قرءان الرجوله وبنه عباس
*
حيدر وساقي العطاشه تگابلو يم النهر
تناقشو يم الشريعه والحديث اعله الفخر
علي اول ما بداها كُنيتي فارس مضر
جاوبه العباس گله انا ميزان القدر

علي گال انا الحميه وبنه گال انا المنيه
هتزت ارض الغاضريه وخمدة انفاس
*

علي يتباها بزمانه بالكلايف ظل يعد
قالع الباب ابيميني وشاطر بسيفي ابن ود
تبسم العباس گله عالزلم تدري امن اهد
جسر من عدهم يحيدر للمخيم راح امد

تابع اثارك يحيدر حگي من اگبالك افخر
وحدي يالكرار عسكر انا نبراس
*
انا كرار الحرايب يبني انا حيدره
حومتي لمن اطبها تصير چنها الاخره
ابو فاضل شال راسه وذكر هاي المفخره
انا من يوم الولاده اسمي سبع الگنطره

الموت مني بويه خايف بمهدي وحظنت الكلايف
والغضب بعيوني عاصف انا نوماس
*

لوله بالفقار حيدر ويمه ظحكت شيمته
والشمس ظمت ضواها غمّضت من شافته
وبو فاضل جوده بيده وفوگه رفت رايته
العلگمي مال اعله جرفه اخته من اتنخته

الشمس حست بالمخاطر والنهر منهم يحاذر
حاشه گالو هالعساكر بينه تنقاس
*
ما يثني بالملاحم العلي يشهد صارمه
جسد مرحب صار سيره بالعدل من جسّمه
ومن دبچ عباس گاعه ترتعد متعلمه
نادته وعاميها طوله هله براعي الغانمه

ختنگت الدنيه بهواها وكربله تطشر ضواها
والهواشم رف لواها ورفعو الراس
*

الحومه يالعباس تشهد علي سورة زلزله
هوه زلزلها الحرايب يعني راعي الاوله
انته منك خايف الطف هيه نفس المسأله
تسجلت صفين بسمه ونته بسمك كربله

والنصر يتسمه لازم بس فقط بسم الهواشم
عدها شمره اعله الصوارم إلها مقياس
***

الشاعر اياد الديراوي
الانصار ع حانت اطفوفك والله منعوفك من علي
الانصار ع

حانت اطفوفك والله منعوفك
من علي ياسيدي عدنه امانه
من يصير الطف نقدملك دمانه
*
عفنه دنيانه وگصدنه الغاضريه
بلهفه جينه وندري بالطف المنيه
صولة الانصار صوله حيدريه
انقدم ادمانه يبو اليمه هديه

احنه انصارك احنه ثوارك
ما يخوفنه الاجل تشهد سمانه
من يصير الطف نقدملك دمانه
*

ما نعوفك حيدر الوصانه يحسين
عاهدينه والدك هذا العهد دين
انطانه عزمه لمن انطب للميادين
كربله اگبالك يغالي اتصير صفين

مرجلة خيبر هسه تتكرر
من عهد سابق يرفرفلك لوانه
من يصير الطف نقدملك دمانه
*
شما چثيره اجيوش جدامك نردها
لا وحگك ما يخوفنه عددها
انطينه چلمه وچلمة الحگ ما نهدها
ان چان رايد حتى شمس الله نسدها

كلها نفنيها ما نخليها
حتى شمس الله درت انته رجانه
من يصير الطف نقدملك دمانه
*

بالدمه الينزف نوضحلك عشگنه
شمحلى لو متنه يبو اليمه وتردنه
حتى لو صرنه وذر حبك يلمنه
نرجع اردود اويعوّد كل عزمنه

بس الك نرجع والله ما نجزع
سيدي الخوف انحسم عفناه ورانه
من يصير الطف نقدملك دمانه
*
عابس اولنه اعله هذا الحب تجنن
بلا درع بالحومه بجنونه تفنن
خاطب اسيوف المنايه لا تثنن
ارد اموت ابسرعه يالله لا تردن

موتي ميهمني حبه جنني
بعده عابس يصرخ بصرخة جنانه
من يصير الطف نقدملك دمانه
*

من نطب سوح الحرب ياسيدي شوف
بسمك انصيح اونهز اتراب الاطفوف
انخلي كل الخيل يسحگ فوگ الصفوف
والجيوش ابدمها لازم سيدي اتطوف

الما يهابونه خل يلاگونه
ما يذبحه الحاول ايضدك سوانه
من يصير الطف نقدملك دمانه
***

الشاعر اياد الديراوي
العاشر محرم عمري لو للخدمه ما دام ادعولي
العاشر محرم عمري لو للخدمه ما دام
ادعولي بالمجلس اناشدكم يخدام
اهدولي لطمه اعله الصدر راح انتظرها بالگبر
يخدام
1
العمر كله گضيته بمجلس حسيني
شمحلاته الدمع لو نومس بعيني
گبل المقتل احذر تخلص سنيني
وما تلطم بعد ياوسفه چفيني

شلون انزل الگبري وبعد ما عندي عاشور
متعود اسمع حمزه وشكاتبله منظور
لحسيني خدمة هل عمر راح انتظرها بالگبر
يخدام
2
گبل عاشور خوفي تختنگ ريتي
تذكروني وصيتي وهالله بوصيتي
انه بخدمة ابو اليمه اعتله صيتي
من دون المجالس شنهي تربيتي

من غير ابو اليمه تظيع الدنيه والدين
هذا الفلك ما يبقه لو ما مجلس حسين
دمعه اللي عالخد تنحفر راح انتظرها بالگبر
يخدام
3
من زغري المجالس ليها اتعنه
وينعه القاري عل منبر اسمعنه
عله الفطره مصاب حسين اشوفنه
وچن فوگ الرمح راسه المحنه

متعود ابچي اعله الغريب ودمعتي دموم
وبالطف اصيحن ليتني اوياكم يمظلوم
كل دمعه هلتله نذر راح انتظرها بالگبر
يخدام
4
لون صار اربعين حسين يالماشين
وما موجود انا وغمظة هالعين
تهدولي مسافه بجاه ضلع حسين
وسلامي للغريب وللفگد چفين

قبل المسيره لو صدگ خلصت حياتي
راح ابچي حسره اعله المشي حتى بمماتي
كل خطوه يتبعها اجر راح انتظرها بالگبر
يخدام
5
همي بالگبر لو صار فوگي اثجيل
تره معناها ظهري ما شبع زنجيل
منين الحيل اجيبه بلحدي هذا الحيل
تموت عيوني وسفه ولا دموع تسيل

وين العمر خلّص لون سألوني لثنين
عمري فنيته راح اگلهم انا لحسين
الخدمة حبيبي افتقر راح انتظرها بالگبر
يخدام
****
الشاعر اياد الديراوي
للاكبر ع دمعي ما ينشف بعد وينك يلاكبر
للاكبر ع


دمعي ما ينشف بعد وينك يلاكبر
انا امك والگلب نيرانه تسعر
ودعتني عذبتني
انا امك والگلب نيرانه تسعر
*
يل رحت عني وعفتني ابهذا حالي
سلمتني للنوايب والليالي
ارحم امك ما تجي وينك يغالي
ابغيبتك بس الدمع يبني حلالي

يبني عيني ما غفت ونتظرك اتعود
هم صدگ ترجع بعد وشتمك اردود
هيمتني عذبتني
انا امك والگلب نيرانه تسعر
*

تقبل شلون الدمع يوليدي يجري
يبني ما اصبر بعد ياذيني صبري
تاكل بروحي المصيبه وذبني دهري
ونكسر تدري بغيابك يمه ظهري

ظهري تدري ابغيبتك يوليدي مكسور
ظلمه بعدك دنيتي ونته الچنت نور
لوعتني عذبتني
انا امك والگلب نيرانه تسعر
*
اتعودت يبني اعله شوفك ونت يمي
ومن اشوفك ينجلي يوليدي همي
ظنك اصبر لو طحت بل حومه مدمي
والله ابچيلك عيوني وخلها تهمي

بيه جرحك ما يصيبك كل جرح ريت
انا اطيح ابحومتك يبني تمنيت
فارگتني عذبتني
انا امك والگلب نيرانه تسعر
*

يبني اقبل كلشي بس كون انت سالم
يعلم ابحالي الجليل او هوه عالم
خل تگطعني اوتوذرني الصوارم
ولا اشوفك يبني فوگ الغبره نايم

يبني اقبل لو تنام ابصدري لسهام
وما يهمني كل رمح خل تكثر الام
روعتني عذبتني
انا امك والگلب نيرانه تسعر
*
المصرعك جيتك يلاكبر ورد المك
ارد احظنك يبني وبنحرك اشمك
روحي يوليدي اوحياتي جيت اسلمك
لا تظن بعدك يغالي صبرت امك

يمك الطم جيتك اوهايج عذابي
يكثر ابهل شوفه يوليدي مصابي
ما يهمني عذبتني
انا امك والگلب نيرانه تسعر
*

يبني نتواره ابترابك تقبل ابهاي
يمه لو رايد تروح الخيمتي اوياي
وانا اوعدك لو تجي ما تسمع ابچاي
ادري بعدك ظامي تطلب شربة الماي

يله انهظ ياعلي خن ضمد اجروح
اوترجع الفرحه اونبطل يبني هالنوح
المتني عذبتني
انا امك والگلب نيرانه تسعر
***


الشاعر اياد الديراوي
حميده بنت مسلم ع لحن روحي مشتاگه وبعيد
حميده بنت مسلم ع

لحن (روحي مشتاگه وبعيد الدرب)


عيني... تنزف دمه وخدي انفطر
عيني... يابويه بغيابك نهر
عيني... سيل العتب بيها انفجر
عيني
***
ظيعتني ابغيبتك يابويه وينك
حن عليه ما تجيني
تاهت افكاري وتاني يمته ترجع
روحي تسعر من ونيني
عودتني من اشوفك كل مسيه
قبلتني بنص جبيني
وغفه يمك وبحنانك فرحه عمري
هسه وحدي او تبچي عيني

وحدي... والذكره تفتحلي جرح
وحدي... اطوي سنيني لو يصح
وحدي... ومنعها لو رادت سهر
عيني
***

الطفله لو هاجر ابوها او ما اجاها
يبدي همها اوماكو فرحه
بس حزن يلتم عليها اوبيها يكبر
وبگلبها يبني صرحه
حته ليلي امن النوايب ياحبيبي
ابهل مناحه صرت اجرحه
أنظر اعيون الكواكب بيها دمعه
مثلي صارت ما تمسحه

ونه...ما تنخمد يلي ارحلت
ونه...ويه الدمع اسمع صرت
ونه... اومن ونتي تنزف حمر
عيني
***

لو صدگ گتلي يبويه ماكو رجعه
عيني اخذها فز حلمها
بويه خليها اعله چفك خلها تشعر
مو وحيده انته يمها
خلها تنظرلك يغالي وبنظرتك
بلكي عيني تنسه همها
اومن تسد چفك يبويه ادري تغفه
ودري يخمد كل المها

خلها.... يابويه بيدك ما تفز
خلها.... وبچفك انحل اللغز
خلها.... رفظت تعيش اويه القهر
عيني
***
كلشي بيدك سلمت عمري اوحياتي
والاماني كلشي بمرك
روحي لو رايد بعد وياك اخذها
لا تردها شنوه عذرك
بيها شديت النفس لمن تقبلك
خلها تشتم بويه عطرك
لو تگلي ياحميده باچر ارجع
حته اتاني يزهي بدرك

بدرك... يمحي اليالي المظلمه
بدرك... يزهي اويشع بين السمه
بدرك... تظحك يبويه اويه السحر
عيني
***
ادري بالكوفه تظل وحدك يغالي
كلها ضدك ماكو ناصر
چني قبل الفاجعه شفتك تنازع
ضامي گلبك ونته حاير
وادم الماعدها رحمه اشترجه منها
من تحيطك هل عساكر
وانا من فوگ القصر شفتك يبويه
انحز وريدك ونته صابر

شفتك... لمن طحت من القصر
شفتك... ما امتلك غير الصبر
شفتك... لحد يلوم ابهل قدر
عيني

****

الشاعر اياد الديراوي
يمه جسام الخاطر امك لا تطفي شموعك يمه
يمه جسام .. الخاطر امك لا تطفي شموعك
يمه جسام .. مو وكتها الليله يبني دموعك
للعرس احسب دهر
ونته ناوي اعله السفر
يمه جسام يمه جسام
1
يمه لا تذبح فرحتي .. الخاطرك يبني عشت
وداعت عيونك اموتن .. لو خبر جاني متت
تنسى عشرتنه يجسام وتروح
عشنه انا اوياك يا يمه اعله روح
واليجرحك انا اتلگه الجروح

يمه روحي .. مو چبيره بگد عمر ايامك
يمه روحي .. چانت بصدرك حظن لالامك
عمري بدموعك گصر
ونته ناوي اعله السفر
يمه جسام. يمه جسام
2
اقسم اعليك ابشبابك لا تفارگني ابد
من يعوضني ييمه هوه بس انته الولد

يمه ساعه بساعه ربيتك نذر
انا من عمري احطلك عمر
خوفي من اتروح احفرلك گبر
ابقى يمي .. وانا احرسك يمه حتى امن الهوه
ابقى يمي .. لو رحت ما يبقه بعيوني ضوه
فرگتك تحني الظهر
ونته ناوي اعله السفر
يمه جسام يمه جسام
3
يمه كل سهر الليالي .. لا تگلي انسيته
انا ام وحگي عندك .. تعبي ما عوضيته

هذا دين او انته ابن خير العرب
چا بعد يمته تجازيني التعب
يعني إله اسمع اوليدي انخظب
ردلي ديني .. مو تجازيني بكبرتي وداعتك
ردلي ديني .. ذني شمعاتك ييمه وحنتك
ردتك اتعوظ السهر
ونته ناوي اعله السفر
يمه جسام يمه جسام
4
يمه لو ما لحظه اشوفك .. ما يدگ نبظ الگلب
لو تهت مره ابطريقي .. انته تزرعلي درب

يمه بعدك دنيتي تصبح ظلام
ان چان ما ينفع ييمه هل كلام
انا ما مره نمت اله تنام
انا اريدك .. لو بعد مره تنام اعله المتن
انا اريدك .. ان ما كفاك الخيمه اسويها حظن
گلت احطك بالنظر
ونته ناوي اعله السفر
يمه جسام يمه جسام
5
إمسح ادموعك ييمه ولغي فكرة روحتك
عمرك ابايديه احسبه إشفت من دنيتك
يمه من عيني عجب عينك تدير
بعده عمرك يالولد كلش زغير
فكرت باچر البسنك حرير

مو وكتها .. يمه وجهك بعده ما شايف شمس
مو وكتها .. الحنه هاي اتريد من عندك عرس
شمعك اگبالك عثر
ونته ناوي اعله السفر
يمه جسام يمه جسام
****

الشاعر اياد الديراوي
فنون العشگ دارس من اخدم بواهس متخرج انا
فنون العشگ دارس من اخدم بواهس
متخرج انا سيدي من مدرسة عابس
1
بأول نفس ياسيدي وي فتحت عيوني
شفتك رسم ويه الدمع تنزل عله جفوني
لهلي إبچفوفي اشرّت بس ما يفهموني
وبلا حچي عاشگ صحت مجنون ضنوني

اتباها مجنونك ساحرني بعيونك
كل الجنون البل مهد من مدرسه عابس
2
عندي مواهب بالحزن عاشورك انتظره
دروس الطفوف انا احتوي بآن العشگ سره
عابس نزع بالطف درع واضح صبح امره
مو مستواى لكن احن لاطم رمح صدره

وانا اختلف طبعي الطملك بضلعي
اهون جزع جبته الك من مدرسة عابس
3
صاغ الله بيه خدمتك وبهذي انا افخر
عنواني بجبيني انطبع خادم ابو الاكبر
يالوزعت جرك دهر فوگه ارسمت منحر
كل ما تهل گطرة دمه بيها ازرعت منبر

كل منبر بموكب قصة جرح يكتب
حتى المنابر تعترف من مدرسة عابس
4
يوم الطفوف وكل جرح بدموعي سالفته
كل الصبر بيك احتمه ونته اللي علمته
يعكس هواك بصورتك واگف عذب انته
چان النهر يرفظ عطش بس انته عطشته

والعلگمي ومايه بشفافك احچايه
كل موقف ابالي خِطر من مدرسة عابس
5
اعشك يغالي مجلسك بي نبرة احساسك
اتنفس الجنه صرت من تحظر انفاسك
ينقللي هالمجلس صور خيمه وجرح راسك
وصوره اعله طولك منحني متعني عباسك

من اعتله اونينك فاظت دمع عينك
كل دمعه تجرحني غدت من مدرسة عابس
****

الشاعر اياد الديراوي
مسلم بن عقيل ع تبختر ابكيفه من شهر
مسلم بن عقيل ع

تبختر ابكيفه من شهر سيفه
طوعه شافته ارتجل بعلي ذكرها البطل
من شهر سيفه
*
رنة سيوف الملاحم والجيوش اتگابلت
وحده مسلم جيش واگف خزره بعيونه حلت
راقبت طوعه شمرته الگاع حدره اتمايلت
بالوصي ذكرها مسلم هلهلت وتبسمت

زلزل الكوفه الشمره معروفه
لايگ بعينه الزعل بعلي ذكرها البطل
من شهر سيفه
*

لايگ السيف اعله طوله صاحت الوادم حذر
واحد الواحد يگله امن الگبر حيدر ظهر
من تقدم خطوه ليهم عسكر بعسكر عثر
الحومه جدامه زغيره وين من عنده المفر

ما يلاگونه علي بعيونه
گرب بالحومه الاجل بعلي ذكرها البطل
من شهر سيفه
*
شردو الگالو نقاتل سيف مسلم بس صعد
ومن صرخ مسلم يحيدر الما يحارب هم شرد
سيرة ابن العاص ردت توزعت بين العدد
ذولي مو گد الرجوله واحد ابواحد لبد

محد اتقدم مسلم اتبسم
ريح ما هز الجبل بعلي ذكرها البطل
من شهر سيفه
*

كلشي بالكوفه تمايل وغرگت الحومه دمه
الكوفه مو بس هيه مالت مال ميزان السمه
سيوف هاشم بالحرايب عالنصر متعلمه
اتربو بحظن الكلافه وللصعب متحزمه

والحرب تشهد بسيف الاموحد
اليوم واحد ما يظل بعلي ذكرها البطل
من شهر سيفه
*
الموت مسلم هوه نفسه والجيوش ابلا علم
مو فقط صمصام بيده وما يلوحه المنهزم
من رفس بالگاع رجله انحفرت اگبور الزلم
والمَلَك عزريل جابه وبالجثث خلا يلم

من سمع صوته لملم الموته
الموت من مسلم خجل بعلي ذكرها البطل
من شهر سيفه
*


الشاعر اياد الديراوي
تجليبه ما يكفي اهل لمصيبتك مدمع عله مصابك
(تجليبه)

ما يكفي اهل لمصيبتك مدمع
عله مصابك عساني بسيف اتگطع
*
انوح اعليك يالما نشفت اجروحك
يمن سهم المثلث فرفح ابروحك
يصير ادموم ريته المدمع النوحك
اريد اعله الدموم الطاهره اجزع
*

عمري وكل نفس بيه الك ناذر
تموت شلون وحدك ما الك ناصر
الف ياحيف تبقى بكربله حاير
عسن وياك ياريته الزمن يرجع
*
مثل عابس اصير اودرع ما البس
بس ريح التشمه رايد اتنفس
وعسن كل السيوف ابمنحري تخرس
ولا شوفك يبو السجاد تتبضع
*

سهام الصابتك بگليبي اشگفها
انا المجنون بيك اليوم اعرّفها
ولا زينب سهم من ذني يخطفها
وذر جدام زينب رايد اتوزع
*
نهر بالطف يصب ابيا ذنب دمك
وثلث تيام عالتربان ظل جسمك
وذر خلوك محد يگدر ايلمك
كل بقعه بطفوفك اصبحت مصرع
*

ما عافوك گطعو منك الخنصر
رغم هالحال صوب العايله تنظر
والحالك تون الحره وتكبر
يبو السجاد بعدك لليسر اطلع
*
جيش ازياد بخيول الحقد داسك
منهو اللي يردهم مات عباسك
على راس الرمح لنه ارتفع راسك
راسي فوگ رمحك ريته يتربع
*


الشاعر اياد الديراوي
ام البنين ع وصيتي يبني هايه عالنهر دگ
ام البنين ع


وصيتي يبني هايه عالنهر دگ ثايه
ارسمني صوره بمايه يبني عباس
1
يبني لو زينب نختك خلها هاي ابالك
عبد گدام العقيله تگوم كل اوصالك
تنتفظ بيك الرجوله جبل كون اخيالك
كون حدرك تطوي يبني كربله بفعالك

لو نطتك جودك سرفن الها زنودك
اعرف انا بزودك يبني عباس
2
تبتسم يبني اريدك لو رحت صوب النهر
كون اسمعه الجيش يصرخ استعدو للخطر
خلها عدوانك تشوفك ابو فاضل بالنظر
بس لونك درت يبني حيدر يصير الظهر

واللي ميعرفونك خزره من عيونك
كلهم ايهابونك يبني عباس
3
تبختر بكيفك ييمه وخنگ انفاس الهوه
ضلمه سويها الشريعه ونته تتمايل ضوه
بروجه كون الماي يعثر من تدگ فوگه اللوه
خلّه يفهم ما تشربه وياصبر بيك التوه

الماي شيله ابايدك وخل يشوف عضيدك
ما يمر بوريدك يبني عباس
4
جرّد البتار يبني ونگلب كلك زعل
وصيح صيحه هاشميه انا ابن خير العمل
خلي عزرائيل يقبض بالزلم گبل الاجل
وللبطوله الحيدريه يبني صير انته المثل

تفنن انته بكيفك من تجرد سيفك
واخذ منهم حيفك يبني عباس
5
كربله بعينك زغيره إلويها بين چفوفك
الخيل بالطف يمه اريده يعثر امن ايشوفك
سجل التاريخ چلمه وكتب انته حروفك
الكلفه عندك بالشدايد جزء من طفوفك

ياطفوف اتديرك ضايعه بتفسيرك
للشدد ما غيرك يبني عباس
6
سوّي مستقبل وفائك مثل ماضي حيدره
يبني صير الموت بالطف لو اخذت الگنطره
عثّر الگاع بدبچتك والزلم تلزم سره
منظر الطف كون اشوفه مثل يوم الاخره

بغيرتك وحساسك يمه ارفع راسك
ياهلا بنوماسك يبني عباس
****


الشاعر اياد الديراوي

2819099

Каналов

109137067

Сообщений