قصيدة كل شي يسبح
قصيدة كل شي يسبح👆📝
خدمة محبي باسم الكربلائي تقدم قصيدة كل شي
خدمة محبي باسم الكربلائي تقدم:
📜قصيدة : كل شي يسبح
✒️للشاعر : السيد عبد الخالق المحنه
📅: ليلة 10 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/48040

كلشي إيسبح الرب البريه
باجر يبجي دم لابن الزجيه
عدو الامامه .. يريد إنتقامه
◼️◼️◼️◼️◼️
نعم كلشي يسبح للعلي القادر
يحس ابهالمصيبه او يبجي دم باجر
نشوف الحق وحيد أو ماله ناصر
تره أكبر جريمه اتصير بالعاشر
تخون الناس ربها أو يغدر الغادر
سلاح الإنتقام الماي والحافر
باجر الله يستر من صباحه
باجر بس مشقه او ماكو راحه
عرفنه العلامه .. يريد إنتقامه
◼️◼️◼️◼️◼️
بده جمع الحطب وهوايه حماله
بده راس الخيانه يجمع إرجاله
اليسولف بي مرض والتسمع أمثاله
يخطط للقتال أو يشرح الحاله
أوصيكم غدا مانرحم إعياله
ولا تبقوا بقيه للنبي أو آله
باجر ماكو رحمه أو لا عداله
حتى الـ بالمهد واجب قتاله
ملخص كلامه .. يريد إنتقامه
◼️◼️◼️◼️◼️
تسولف بالحرب هالناس منشغله
ولا واحد شفت خجلان من فعله
يگول الأزدي باجر حصتي سهله
عليه ابن الحسن جاسم عزيز أهله
ولا أرتاح اذا جسام ماقتله
أطر راسه واحطم كل حلم رمله
باجر تنطفي شمعة شبابه
باجر حنة جفوفه بخضابه
تطيح العمامه .. يريد إنتقامه
◼️◼️◼️◼️◼️
إبن منقذ العبدي إهواي يتوعد
اذا ما أقتل الأكبر فلا أبرد
عزيز احسين هذا او يشبه الأحمد
اذا مافاز ابن غانم أنا أتعهد
شرط باجر أبوه إبصفه يتمدد
واريد أسمع نحيب أو يطگ يد إبيد
باجر أفجع إحسين ابحبيبه
حته للخيم يوصل نحيبه
واكثر سهامه .. يريد إنتقامه
◼️◼️◼️◼️◼️
رجال إبخيمه بس آراء مختلفه
من طاري إسم عباس متخوفه
گالو مستحيل إيطيح ونعرفه
حكيم ابن طفيل إتبرع إبچفه
أنا خلف النخل مجبور أتخفه
واذا أگطع يمينه ممكن إنضعفه
آني أگطع يمينه أتبرعلكم
هاذي حصتي واليسره إلكم
نزيح الغمامه .. يريد إنتقامه
◼️◼️◼️◼️◼️
يگولون إبگطع جفينه مانسلم
نريد الماي مايوصل للمخيم
إبن كاهل يگلهم عندي حل أسلم
أصوبه إبعينه والعسكر عليه يلتم
شخص شايل عمود أو وجهه يتبسم
يگول ابهالعمود الراس يتهشم
من يوگع نحز نحره أو نوذره
باجر ظهر أبو اليمه نكسره
نروح الخيامه .. يريد انتقامه
◼️◼️◼️◼️◼️
سهم عبد الله هذا وحرمله إمحضره
ولا يشرب الماي او ينگطع نحره ‏
شمر ما يخفي كرهه أو حقده عالعتره
یگول حسين باجر ارفس بصدره
أذبحه امن الگفه حقدا عله الزهره
يبجدل خنصره البي خاتم تبتره
صدر الباسته الزهره الزجيه
رضوا بالخيول الأعوجيه
نكسر عظامه .. يريد إنتقامه
◼️◼️◼️◼️◼️
يگولون الخيم باجر إحرگوها
ولا واحد سمعته گال إتركوها
نريد إنشوف زينب من تطلعوها
هذاك ايصيح هاي اعليه خلوها
نعم بسياطكم باجر إجلدوها
أبو فاضل يحبها لا ترحموها
يا أجمل خبر عد آل أميه
باجر بت علي عدهم سبيه
واسلبوا اليتامه .. يريد إنتقامه
◼️◼️◼️◼️◼️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
قصيدة واويلي على العطشان
قصيدة واويلي على العطشان👆📝
خدمة محبي باسم الكربلائي تقدم قصيدة واويلي على
خدمة محبي باسم الكربلائي تقدم:
📜قصيدة : واويلي على العطشان
✒️للشاعر : كرار حيدر الخفاجي
📅: ليلة 10 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية

طَاحِ اِحْسينْ مِنْ مُهْرَه .. وَاويلِيْ عَلَى العَطْشَانْ
سيفِ الشِّمِرْ حَزْ نَحْرَه .. وَاويلِيْ عَلَى العَطْشَانْ
دَاسَتْ خيلْهُمْ صَـدْرَه .. وَاويلِيْ عَلَى العَطْشَانْ
الله اِيْـسَـاعِدِ الـزَّهْـرَه .. وَاويلِيْ عَلَى العَطْشَانْ
ظَلِّ اِمْوَسَّدِ التِّرْبَانْ .. وَاويلِيْ عَلَى العَطْشَانْ
◼️◼️◼️◼️◼️
عينَه اِبْـسَهَمْ طَفّوهَا .. وَاويلِيْ عَلَى العَبَّاسْ
حَتَّى اِچْفُوفَه گِطْعوهَا .. وَاويلِيْ عَلَى العَبَّاسْ
مِنَّه الـرَّايَـه طَيْحوهَا .. وَاويلِيْ عَلَى العَبَّاسْ
بَعْدَه الخيمَه حِرْگوهَا .. وَاويلِيْ عَلَى العَبَّاسْ
طَايحْ وِالعَمَدْ بِالرَّاسْ .. وَاويلِيْ عَلَى العَبَّاسْ
◼️◼️◼️◼️◼️
جِسْمِ الأكْبَرِ اِتْوَزَّع .. وَاويلِيْ عَلَى الأكْبَرْ
إرْبَـاً إرْبَـاً اِتْـگـطَّـعْ .. وَاويلِيْ عَلَى الأكْبَرْ
اِوْ ليلَه تِهْمِلِ المَدْمَعْ .. وَاويلِيْ عَلَى الأكْبَرْ
رَاحِ الغَالِيْ مَا يِرْجَعْ .. وَاويلِيْ عَلَى الأكْبَرْ
طَاحِ اِعْلَه الثَّرَه اِمْطَبَّرْ .. وَاويلِيْ عَلَى الأكْبَرْ
◼️◼️◼️◼️◼️
جَاسِمْ طَالِعِ اِبْـهِمَّه .. وَاويلِيْ عَلَى العِرِّيسْ
چَفَّه اِتْحَنَّه مِنْ دَمَّه .. وَاويلِيْ عَلَى العِرِّيسْ
قَـدَّمْ مَنْحَرَه العَمَّه .. وَاويلِيْ عَلَى العِرِّيسْ
رَمْلَه اِتْنَادِيْ يَايُمَّه .. وَاويلِيْ عَلَى العِرِّيسْ
رِحْت اِمْنِ اِيدِيْ يَاعِرِّيسْ .. وَاويلِيْ عَلَى العِرِّيسْ
◼️◼️◼️◼️◼️
صِعْدَتْ عَالهِزِلْ تَالِيْ .. وَاويلِيْ عَلَى زينَبْ
رَايِـحْ مِنْهَا چَـمْ غَالِيْ .. وَاويلِيْ عَلَى زينَبْ
صَاحَـتْ وينَه كَفَّالِيْ .. وَاويلِيْ عَلَى زينَبْ
عَـايِـفْـنِـيْ بِـلَا وَاليْ .. وَاويلِيْ عَلَى زينَبْ
خِدْرِيْ اِبْغيبِتَه اِتْسَلَّبْ .. وَاويلِيْ عَلَى زينَبْ

٢٩ / ٨ / ٢٠٢٠ السبت
◼️◼️◼️◼️◼️
هَالله هَالله اِحْسينْ وينَه بِالسّيُوفِ اِمْگطِّعِينَه
رَاجِعِ الميمونْ يِصْهِلْ مَلْوِيْ سَرْجَه اِوْ تِجْرِيْ عينَه
طِلْعَتِ الـحُـرَّه تِنَادِيْ : اِبْـيَـا كِتُرْ طَايِحْ وِلِينَه
گلْهَا شِدِّيْ الحيلْ وَالله اِيْعَظُّم اجْرِچْ يَاحَزِينَه
◼️◼️◼️◼️◼️
عِفْتَه فوگِ الغَبْرَه دَامِيْ وِالشِّمِرْ گاطِعْ وَتِينَه
هِلِّيْ دَمْعِچْ لِأنْ صَـدْرَه بِـالخيُولِ اِمْهَشِّمِينَه
وِالسِّلَبْ مِنْ چَفَّه مِحْبَسْ گِطَعْ خُنْصُرْ مِنْ يِمِينَه
عَارِيْ فوگِ الگاعْ حَتَّى الثّوبْ مِنَّه اِمْسَلِّبِينَه
◼️◼️◼️◼️◼️
رَاسَه مَا ظَلِّ اِبْـرُگبْتَه اِعْلَه السَّمَاهِرْ شَايِلِينَه
اِمْتَرْبَه يَازينَبْ لِحِيتَه اِوْ يَابِسِ الدَّمِّ اِبْـجَبِينَه
بَعَدْ مَا يِرْجَعْ يَزينَبْ وِ اِنْتِيْ حِيرِيْ اِبْهَالظِّعِينَه
اِنْ چَانْ وَيَّه اِحْسين اِجيتِيْ ، رِدِّيْ وَحْدِچْ لِلمَدِينَه

٣٠ / ٨ / ٢٠٢٠ الأحد
◼️◼️◼️◼️◼️
ابوذيات : نحراك , عساني , منها ليله
للشاعر ناظم الحاشي
https://t.me/m7bebasim/48043

طفل والموت من المهد نحراك
وكضيت العمر كله عليك نحراك
يعبدالله السهم من صاب نحراك
اشد من مصرع اخواني عليه
◼️◼️◼️◼️◼️
عس الطير سم وكتي عساني
مرار ولا ضكت بعده عساني
كبل هالليله لو ميته عساني
وكون سهام صدر حسين بيّه
◼️◼️◼️◼️◼️
نار الدمع عيني منها ليله
على وظاع النحبهم منها ليله
هاي الليله ماظن منها ليله
يريته ما طلع باجر عليه
◼️◼️◼️◼️◼️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
قصيدة هالله هالله يا شباب
قصيدة هالله هالله يا شباب👆📝
خدمة محبي باسم الكربلائي تقدم قصيدة هالله هالله
خدمة محبي باسم الكربلائي تقدم:
📜قصيدة : هالله هالله يا شباب حسين نايم عالتراب
✒️للشاعر : محمد الظالمي
📅: ليلة 10 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/48042

هالله هالله ياشباب احسين نايم عالتراب
هالله هالله ياشباب احسين نايم عالتراب
◼️◼️◼️◼️◼️
وگفت اعله التل تنادي ومنه ما تسمع جواب
هالله هالله ياشباب احسين نايم عالتراب
◼️◼️◼️◼️◼️
احسين واگع من جواده وناگع بدم الخضاب
هالله هالله ياشباب احسين نايم عالتراب
◼️◼️◼️◼️◼️
طلعن اعله التل يلطمن سكنه وي رمله ورباب
هالله هالله ياشباب احسين نايم عالتراب
◼️◼️◼️◼️◼️
بالشمس نايم حبيبي ولاكو غيمه ولا حجاب
هالله هالله ياشباب احسين نايم عالتراب
◼️◼️◼️◼️◼️
والعطش فاطرله گلبه وينظر الصحره سراب
هالله هالله ياشباب احسين نايم عالتراب
◼️◼️◼️◼️◼️
والشمر داس اعله صدره وانذبح سيد الشباب
هالله هالله ياشباب احسين نايم عالتراب
◼️◼️◼️◼️◼️
من يصد الخيل عنه انكسرن اظلوعه عتاب
هالله هالله ياشباب احسين نايم عالتراب
◼️◼️◼️◼️◼️
طلعن يركضن بناته صاحن ابكل انتحاب
هالله هالله ياشباب احسين نايم عالتراب
◼️◼️◼️◼️◼️
مدري شمسوي حبيبي وتنهش ابجسمه الذياب
هالله هالله ياشباب احسين نايم عالتراب
◼️◼️◼️◼️◼️
وصل مرسال العليله ولطخ اجناحه الغُراب
هالله هالله ياشباب احسين نايم عالتراب
◼️◼️◼️◼️◼️
ساعة السلبوا قميصه صارت الدنيا اكتئاب
هالله هالله ياشباب احسين نايم عالتراب
◼️◼️◼️◼️◼️
فرش جبرائيل جنحه ياعظم هذا المصاب
هالله هالله ياشباب احسين نايم عالتراب
◼️◼️◼️◼️◼️
اخته من الناگه طاحت عالأرض هذا العذاب
هالله هالله ياشباب احسين نايم عالتراب
◼️◼️◼️◼️◼️
لا عشيره ولا حميه اتولته گوم آل اميه
وزينب الراحت سبيه طلعت ابذاك الضباب
هالله هالله ياشباب احسين نايم عالتراب
هالله هالله ياشباب احسين نايم عالتراب
◼️◼️◼️◼️◼️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
قصيدة يا محلى الوداع
قصيدة يا محلى الوداع👆📝
خدمة محبي باسم الكربلائي تقدم قصيدة يا محله
خدمة محبي باسم الكربلائي تقدم:
📜قصيدة : يا محله الوداع بهالمسية
✒️للشاعر : المرحوم الشيـخ كاظم منظور الكربلائي
📅: ليلة 10 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/48041

يا محلى الوداع بهالمسيه
وعلوم المنية
بين الفاطمي والفاطميه
🔹🔹🔹🔹🔹
طب خيمة الحره حسين واليها
ونادى هنا يا زينب
گعد عدها يودعها ويسليها
ونار الحزن تلهب
يوصيها ويسلم اطفاله بيديها
والخدر المرتب
الله شمصيبه .. محبوب وحبيبه
من تتحمس بنار الرزية
🔹🔹🔹🔹🔹
حس گلب العقيله ودوت بيه النار
من جمر المصيبة
ونادت يبن ابويه ما تگللي شصار
گلب إختك بريبه
جن الفلك طرنه وبالعكس يندار
وجن إختك غريبه
يابن أمي شهدانه .. من دهر الجفانه
شتتها الشمل بالغاضريه
🔹🔹🔹🔹🔹
صد حسين لخته والقلوب تلوب
وتغيرت الحاله
وناداها الشهاده فصلت لي ثوب
من نسج الجلاله
إلج ثوب اليسر من العهد مكتوب
ولخدرج حلاله
خلينه نتشارك .. بهالثوب المبارك
حله لخدرج وانه مفصل عليّه
🔹🔹🔹🔹🔹
نادت يبن ابويه بالعهد راضين
والحگ لو رضينه
ولا عزت عليك ارواحنه يحسين
وإنت تعز علينه
تهيء للشهاده وإحنه متهيئين
نتنطر سبينه
إحنه على السعاده .. وإنت على الشهاده
نيتنه وعسن راشده النيه
🔹🔹🔹🔹🔹
لاچن عگب عينك يا ضوى عيني
خدر إختك مماته
خوفي من الشماته بسهم ترميني
ولا شوف الشماته
خليني أرد اموت وياك خليني
ولا شوف الشماته
والشامت إله سهام .. تمضي بقلب الكرام
أمضى واشد من سهم المنية
🔹🔹🔹🔹🔹
الك عندي امانة من امك الزهره
هاك اسمع المضمون
لخوج ابكربله اتحبينه ابصدره
و تسجيه ماي العيون
و من تجدم منيته جدمي مهره
وخل يجبل على الكون
هذي كربله هاي .. جيف البصر والراي
هاك اخذ الامانه امن الزجيه
🔹🔹🔹🔹🔹
وصلتني الامانه يا عقيلتنه
او جني اتسلمتها
واحگوگ الوفه واشروط خوتنه
بوجودج شفتها
هذي كربله اوهذي شهادتنه
تشهد واسمعتها
تثبتلج إراده .. وتشهد لج شهاده
صبرج نصر دين الله او نبيه
🔹🔹🔹🔹🔹
تدنه حسين لخته او شبكته واتنوح
والونه ثجيله
گبل جرح السهم خلت ابقلبه اجروح
واتگطع دليله
يخونه خل ابدل اوياك روح ابروح
او صد اعلى العقيلة
ناداها الامر صار .. او لو عمت الاخطار
عگب اهلج تلزميلي الثنيه
🔹🔹🔹🔹🔹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
قصيدة واحسينا وانتهى الكلام
قصيدة واحسينا وانتهى الكلام👆📝
خدمة محبي باسم الكربلائي تقدم قصيدة واحسينا وانتهى
خدمة محبي باسم الكربلائي تقدم:
📜قصيدة : واحسينا وانتهى الكلام
✒️للشاعر : لؤي حبيب الهلال
📅: ليلة 10 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/48039

(واحُسَيْنًا) وانْتَهَى الكَلَامْ
لا يُرَى مِنْهُ سِوَى عِظَامْ
بُعْثِرَتْ بِالرُّمْحِ والحُسَامْ
والخُيُولْ
◼️◼️◼️◼️◼️
1/ يومُ عَاشُورَاءَ أَمْ ذِي القَارِعَة
شَمْسُ ذَبْحٍ وَعَلَيْنَا طَالِعَة
اِسْمَعُوا رَجْفَ السَّمَاءِ السَّابِعَة
هي حَتْمًا فَوْقَ رأسِي وَاقِعَة
هذِه رُوحِي إلى انْتِزَاعْ
لا تَقُولوا إنَّهُ الوَدَاعْ
لا وَرَبِّي بَل هُوَ الضَّيَاعْ
فالذٌّبُولْ
◼️◼️◼️◼️◼️
2/أمْطَرَتْ بِالدَّمِ عَيْنُ المَلَكُوتْ
قَطَع َالأمْلاكُ تَرْتِيلَ القُنُوتْ
اِبْنُ بيْتِ اللهِ عَافَتْهُ البُيُوتْ
كل شَيْءٍ مِنْهُ حَيٌّ هَلْ يَمُوتْ ؟!
كَيْفَ ذُو القُرْبَى هُوَ الغَرِيبْ
بَعْدَ ذَيَّاكَ الكِسَا سَلِيبْ
إنْ رَآهُ المُصْطَفَى تَرِيبْ
مَا يَقُولْ ؟
◼️◼️◼️◼️◼️
3/ في غدٍ تَهْشِيمُ ضِلْعِ الزَّاكِيَة
طَبَرُوا رَأْسَ عَلِيٍّ ثَانِيَة
رَجَعَتْ جَعْدَةُ سُمًّا سَاقِية
سُوَرُ القُرْآنِ ضَجَّتْ بَاكِيَة
يَوْمَ تَبْكِي فِيهِ كُلُّ عَين
جِبْرَئِيلٌ صَاحَ يَا حُسَيْن
عِزْرَئِيلٌ رَاجِفُ اليَدَين
في ذُهُولْ
◼️◼️◼️◼️◼️
4/ أَبْشِرِي لَيْلَى بِيَوْمِ المُلْتَقَى
أكْبَرٌ فَوْقَ الأعَادِي قَدْ رَقَى
سَوْفَ يَلْقَاكِ وَمَا أَحْلَى اللِّقَا
بِسُيوفٍ وَرِمَاحٍ مُزِّقَا
أيُّ سَيْفٍ فَصَّلَ الكِتَابْ
أيُّ كَفٍّ تَجْمَعُ الشَّبَابْ
فالبُكَا يَبْقَى إلى الحِسَابْ
إذ يَطُولْ
◼️◼️◼️◼️◼️
5/في غَدٍ يَا رَمْلَ إن تَهْوِي الشُمُوسْ
وَيَكَادُ الهَمُّ يَغْتَالُ النُّفُوسْ
أفْرحِي القَلْبَ بِتَجْهِيزِ العَرُوسْ
قَبْلَ خَيْلِ الكُفْرِ حَامِينَا تَدُوسْ
جَهِّزِي جَسَّامَكِ القَتِيلْ
قبْلَ أنْ تَهْوِي يَدُ الكَفِيلْ
كيْ يَسِيرَ العُرْسُ بِالعَوِيلْ
للبَتُولْ
◼️◼️◼️◼️◼️
6/ يا رَضِيعَ السِّبْطِ مَفْطُورَ الشِفَاهْ
في غَدٍ تَشْرَبُ مِنْ عَيْنِ الحَيَاهْ
لا تَخَفْ مِنْ سَهْمِ مَوْتٍ لا تَرَاهْ
للدِّمَا في كَرْبَلا طَعْمُ المِيَاهْ
بَعْدَكَ الآهَاتُ دَائِمَة
بَعْدَكَ الأنْهَارُ صَائِمَة
يا رَضِيعِي عُدْ لِفَاطِمَة
والرَّسُولْ
◼️◼️◼️◼️◼️
7/ قَالَ لِي يَا زَيْنَبٌ هَلْ تَصْبِرِينْ ؟
لنْ تَرَيْ يَا أخْتُ مِنْ بَعْدِي مُعِين
بين أطفالي بِسَوْطٍ تُضْرَبِينْ
لن ألبِّيكِ النِّدا إذْ تَصْرُخِينْ
في فُؤادِي جُرْحُكَ العَمِيقْ
يا حُسَينٌ بِالهَوَا نَضِيقْ
أيْنَمَا سِرْنَا نَرَى حَرِيقْ
لا يَزُولْ
◼️◼️◼️◼️◼️
قناة الشاعر لؤي حبيب الهلال: https://t.me/LoaiHelal
9/1/1443 هـ
الرياض
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

Каналов

109137067

Сообщений