من منكم ينام نحن يُغمى علينا من شدّة
You & I
من منكم ينام ؟
نحن ، يُغمى علينا من شدّةِ الأرق ..!🖤

-رأفت حكمت
17 viewsLeen Kallasi, 
مايا فيروز اللي قالت سوا ربينا و سوا
You & I
You & I
مايا : فيروز اللي قالت "سوا ربينا و سوا مشينا" هيه نفسا اللي قالت "لا انت حبيبي ولا ربينا سوا" .. مجد : اي صح و فاروق جويدة اللي قال بسنة 1982 "عيناكِ أرض لا تخون" هو نفسو اللي قال بال 1983 "لستُ أدري كيف خان !" مايا : البدايات مغرية جداً مجد : و النهاية…
مجد : وصلت القهوة
مايا : اللي تنيناتنا منعرف انو ما بحبا
مجد : طب رفعي راسك طلعي فيني عالاقل !
مايا : "تايك كير اوف يورسليف" هو احلا مصطلح اكتشفو الانسان ..
مجد : وشو يعني انسان !
مايا : شي ما موجود حاليا
مجد : مرحبا وعي !
مايا : اهلين توعية ..
مجد : اي حَ تخليني واقف ؟ و ما حَ تطلعي فيني ؟
مايا : طول ما انو معك قهوة .. اي
مجد : جايبلك شاي .. دافي .. بعكس مشاعرك
مايا : قولتك قلبي مات !
مجد : لا
مايا : لكا ليه بأجّل كلشي بالحب !
مجد : انت قلتيا "بأجّل" معناها في وقت لاحق
مايا : وشو بعمل بالسابق ؟
مجد : انتِ ليه بتشربكي العاطفة ببعضا هيك ؟ تركي كلشي لوقتو
مايا : عفكرة الحب ما بيلبس ساعة
مجد : !!!
مايا : يعني هلا انا صرت بدي اشرحلك مفهوم الحب وتعقيداتو ..
مجد : لا بس اثبتلك انو عندك قلب يفكر ..
مايا : معناها هو بغيبوبة ..
بس ايمتا بيصحى يا ترى !
مجد : ما حَ جبلك سيرة الوقت .. لانو الحب برايك ما بحب يلبس ساعات .. فاا حَ قلك انو بيصحى لما تجيه اشارة ..
مايا : اشارة شو !! شو نحن بعملية سرية وعم نستنا اشارة ؟
مجد : بل واكثر من ذلك ..
مايا : كيف يعني ؟
مجد : بتتذكري الابد اللي مالقيتيلو مواصلات ؟
مايا : عالجامعة ماعم بعرف اوصل لاوصل للابد
مجد : يعني ما تذكرتي !!
مايا : ؟
مجد : بمرّة قلتيلي بالحرف الواحد وانت بعيونك دموع "عم حس بدي اعمل كل الشغلات اللي اجلتن هيك بدفعة وحدة بس مالي قدرانة اعملن فبضلوا علقانين .. وكانو عم اجلهن للابد .. وهالابد ما عم لاقيلو مواصلات .. فتخيل اجّل كل هالاحاسيس اللي جواتي .."
مايا : بتذكر ومضات من هيك موقف ..
بتقصد انو العملية السرية اللي عم نستنا اشارتا هيه رحلتي للابد ؟؟
شو هالمتاهات هي !
مجد :كانت اول ليلة بنام فيا عطرف قلبي .. وانا عم فكر كيف منوصللو هاد بلا صغرة !
بعدا خفت كون شي مؤجّل .. واوصل لهنيك لحالي ..
وتضلك هون .. وضلني هنيك ..
مايا : لحظة لحظة !!!!!
مجد : لقطتيا ؟
مايا : الحب والابد مربوطين ببعض ..
انا بلشت بمشكلة تأجيلي لكلشي بالحب .. وانت وصلتني لفكرة انو انا عم اجلو للابد .. متل كل هالشغلات .. معناها هنن جد مربوطين ببعض
بس الفرق انو ماف داعي لكل المواصلات التقليدية هي .. فيني روح لهنيك بقلبي ..
مجد : وتبلشي ترتبي الشغلات الأهم فالأهم .. لتعملي كل هالشغلات اللي لازم تنعمل
مايا : ايمت حَ بلش ؟
مجد : كيف حَ تروحي ؟
مايا : بقلبي اللي مليان حب !!
مجد : والحب ما بيلبس ساعات ..
مايا : انت دائماً بتعرف ترجّعني اكتر مما بعرف ضيع انا ..

الحوار 20
73 viewsLeen Kallasi, edited  

506637

Каналов

2365983

Сообщений