Piramida bilimliler klubı pinned Húrmetli kanal paydalanıwshıları 1
«Piramida» – bilimliler klubı pinned «Húrmetli, kanal paydalanıwshıları! 1. Kanal hesh qanday ģárezlersiz is alıp baradı. Maqset tek ģana: BILGENIMIZDI, KÓRGENIMIZDI SIZLERGE BÓLISIW. Ulıwmalastırılģan teması – intellektual oyınlar! Usı tiykarda, qoldan kelgenshe, internettegi waqtıńız paydańızģa…»
Húrmetli kanal paydalanıwshıları 1 Kanal hesh qanday ģárezlersiz
Húrmetli, kanal paydalanıwshıları!

1. Kanal hesh qanday ģárezlersiz is alıp baradı. Maqset tek ģana: BILGENIMIZDI, KÓRGENIMIZDI SIZLERGE BÓLISIW. Ulıwmalastırılģan teması – intellektual oyınlar! Usı tiykarda, qoldan kelgenshe, internettegi waqtıńız paydańızģa islewi ushın maksimum dárejede háreket etemiz. Eger iskerligimizde kemshilik, qáte yáki ózińizge maqul bolmaģan basqa da funkciyalardı sezseńiz, iltimas, TEK ózińizdiń tınıshıńızdı oylap, bul jerdegi ornıńızdı basqalarģa bosatıp qoyıń!

2. Kanal ushın material tayarlaw hám túrli ilájlar shólkemlestiriw administraciyaģa heshqanday materiallıq yáki finanslıq payda keltirmeydi. Morallıq máp kóriw bunnan tısqarı. Hobby ne ekenin túsinesiz, a?

3. Hár kimniń pikiri tek ģana ózine tuwrı. Ásirese, kózi janıp turģan óspirim jastaģılarda sonday. Sol sebepli, kanalımız yáki adminstraciya haqqında esitken túrli-gáp sózlerińizdi bir tárezige salıp, soń juwmaq shıģarıwdı sorap qalamız. Kanal boyınsha qanday gàp esitken bolsańız, márhámat, bul kanal sizler ushın tayın gúwa, derek bolsın. Haqıyqattan bul kanal sonday ma? Ózińiz birqatar tekserip, belgili múddet dawamında gúzetip kóriń. Haqıyqat aldıńızģa óz ayaqları menen keledi.

4. Social-tarmaq – negativ hám kritikler korollıq etetuģın orın bolıp qalģanı hámmege belgili. Biraq bul jerde ol óner ótpeydi. Sebebi, kanalda ne iláj yáki material tayarlanadı – hámmesi jeti márte ólshenedi. Kemnen-kem qáte, kemshilik boladı, demekshimiz. Eger haqıyqattan bizdiki qáte hám sizdiki durıs bolsa, ONDA ADMINISTRACIYA MÚMKIN BOLĠANÍNSHA, SIZ KÓRGEN ZÍYANDÍ JAWÍP BEREDI.

5. Eń baslı másele. Kanal materialları 100 payız avtorlıq huqıqına iye emes (bunday bolıwınıń ózi, – tek ģana bizde emes, – basqa jerlerde de fantastika). Kópshiligi bizden uzaqlaw bolģan dereklerden alıp kelingen. Biraq, naģız kanal administraciyasına tiyisli materiallar da bar. Ulıwma aytqanda, bul jerdegi hámmesi kanaldıń múlki esaplanadı. Usı kúnge deyin qansha adamlar ushın bul kanal tayın, ańsat tawılģan materiallar bazası bolıp xızmet etti. Sol arqalı hátte búgingi kúni de maqtaw aldı. Negizgi miynet deregi bolsa usı jerde, marapattı bolsa basqalar alıp ketpekte. Ózimiz bunıń kóp gúwası bolģanbız, bolıp kelmektemiz. Bul jaģday endi basqa dawam etpeydi.

Maģlıwmat ushın. Kanal 2020-jılda ashılıwına qaramastan, ondaģı materiallardıń yarımı 2017–2018-jıllarda tayarlanģan (aldınģı kanallarımız belgili sebepler menen óship ketken).

Gáptiń toq-eteri: bul kanaldan tikkeley alınģan material, administraciya ushın bep-belgili! Aspan qolda bolsa taslap jibereģoyıń, báribir ol dáliyllenedi! Bastı isletiń, biz benen keńesiń. Jaqsıģa jaqsı, jamanģa da jaqsı sóylewge háreket etemiz. Hátte bunnan kóp pánt jegen bolsaq ta!

P.S.: bul jerde, nábada, qaysıdur sóz Sizge tiyip ketpegen bolsa, demek Siz biz ushın qádirli klub aģzalarımızdan esaplanasız.

Dıqqatlar ushın raxmet!
@piramidaclub Телеграм
This media is not supported in the widget
VIEW IN TELEGRAM

2819099

Каналов

109137067

Сообщений