مريض الهوى

من يصدّق بانهياري خلف هالوجه الصبوح ؟
‏وضحكتي تسبق بكاي وبسمتي تسكن فمي
‏آتصبّر وآتأسى في نبي الله نوح
‏واضحك بقلبي لو الحزن بجناحي مرتمي
‏كنت اخاف الصمت حتى صار يقتلني الوضوح
وامتنعت من الكتابه لين ما ضاق نسمي
‏القصايد يوم كانت تشرح احساس وتبوح
‏آتهجاها ماكنها كتبت بـخط قلمي
انطفى وهج الأمل بـعيوني ومات الطموح
‏وسيقت ايامي على الحسره وانا سقت قْدمي
‏آتحاشى - ذكرياتك - بالتناسي والنزوح
‏وآتوارى عن حقيقه قيّدت لي معصمي
‏كلّما عزّمت أنسى رايتي البيضا تلوح
‏والحلول الممكنه خلف القصايد تحتمي
مشكلة عقلي نبيه ومشكله قلبي سروح
‏و بين هذا و بين ذاك آتوه وآجن واعتمي
‏آه من طيش الهيام ونزوة القلب اللحوح
‏اكسروني ؛ كسرة الابيات بلسان اعجمي
‏السؤال اللي سلب لُبّ الإجابه:وين اروح ؟
‏و غربتي غربه مشاعرّ بس لقلبك تنتميّ

شرهتي على حبيبن باع حبي بسومه/‏وخفض من اسعار المحبه غلاها

اذا مافيها كلافه خيّط لي من اهدابك اريكه تتسع
لي وتحضن ارهاقي

ليله من الليالي اللي تسهر فيها ساكت بس ماتدري منو اللي يبكي بصدرك

انا تايه وسط الايام ومستوحشها
وتايه مابين
ودي وما ا ا ا ودي

صراحةً أجمل مافي القناة إنك تقدر تسكت بلا شرح أسباب وتقدر ترجع متى ما ودّك تكتب مايمليه عليك قلبك بدون ترتيب أو سياق

أنا لست مريض أنا ضحية مريض

طبعي أجنب عن غثاء الناس وأصد
‏لاشفت ما لايستحق إهتمامي

‏في ذمتي ماهوب معجزني الرد
‏أنا اعتبر صمتي جزء من كلامي

‏لكن عندي كل حاجه لها حد
‏قبل توصل هيبتي واحترامي

‏صدي عن اللي مايبادلني الود
‏شيمه لـنفسي وإحترام لـمقامي